काठमाडौं (हाम्रो खेलकुद) – कान्तिपुर मिडिया ग्रुप र क्यूएफएक्स दोस्रो ‘नेपाल आईस आन फुटसल प्रतियोगिताको अन्तिम १६ मा पुगेका छन् ।

नेपाल विज्ञापन संघ (आन) को आयोजनामा सोमबार सुरु भएको फुटसल प्रतियोगिताको समूह ‘जी’बाट कान्तिपुर मिडिया ग्रुप र क्यूएफएक्सले अघिल्लो चरणमा पुगेका हुन् । कान्तिपुर अपराजित रहँदा क्यूएफएक्स भने कान्तिपुरसँग पराजित भएको थियो ।

कान्तिपुर मिडिया ग्रुपले नयाँ पत्रिकामाथि २–० गोलको जित निकाल्दै प्रतियोगिताको सुखद् सुरुआत गरेको थियो । यसैगरी कान्तिपुरले दोस्रो खेलमा प्रिज्मार्कलाई ३–२ ले र क्यूएफएक्सलाई २–० ले हरायो । क्यूएफएक्सले प्रिज्मार्कसँग १–१ गोलको बराबरी खेलेको थियो भने नयाँ पत्रिकालाई ३–२ ले पराजितको थियो ।

समूह ‘एच’ बाट मिडिया हब र एड रिलिजले प्रि क्वार्टरफाइनलमा स्थान सुरक्षित गरेका छन् । मिडिया हबले तीन वटै खेल जित्दा एड रिलिजले २ खेल जित्न सफल भयो । मिडिया हबले मार्समाथि २–१ गोल अन्तरले जित निकाल्दा की एड्भरटाईजिङमाथि १ का विरुद्ध १० गोल र एड रिलिजमाथि १–० को जित निकाल्न सफल भयो । यसैगरी एड रिलिजले की एडभरटाईजिङलाई ६–०, मार्सलाई ५–२ ले हराएको थियो ।

प्रतियोगिता अन्तर्गत मंगलबार समूह ‘इ’ र ‘एफ’का समूह चरणका सबै खेल हुने छन् । समूह इ मा न्यूज–२४, विजनेस एडभान्टेज, नेपाल टेलिभिजन र माछापुच्छ«े वैंक रहेका छन् । प्रतियोगितामा व्यवसायिक प्रतिष्ठान, संचारगृह र विज्ञापन एजेन्सीका गरि ३२ टिमले सहभागिता जनाएका छन् । उनीहरुलाई ८ समूहमा विभाजन गरिएको छ ।
सानेपाको फिल्ड फुटसल सुरु प्रतियोगिताको पूर्व अध्यक्ष माधवराज तिमल्सिना र अध्यक्ष रविन्द्रकुमार रिजाल ‘शशी’ले संयुक्तरुपमा गरेका थिए ।