4 years ago
February 1, 2020
काठमाडौं (हाम्रो खेलकुद) – एनआइसी एसिया फुटसल कपमा महिलातर्फ क्याप टिम र पुरुषतर्फ प्रोजेक्ट डीलाइट च्याम्पियन बनेका छन् । धन्यन्तरीस्थित फुटसल कोर्टमा शनिबार भएको एकदिने प्रतियोगितामा पुरुषतर्फ २४ र महिलातर्फ ८ टोलीको सहभागिता रहेको थियो । महिलातर्फ फाइनलमा क्यापले टिम डीएनएलाई १-० ले पराजित गर्दै उपाधि जित्यो । विजेता टोलीकी स्मृति खत्री उत्कृष्ट खेलाडी बन्दा […]
काठमाडौं (हाम्रो खेलकुद) – एनआइसी एसिया फुटसल कपमा महिलातर्फ क्याप टिम र पुरुषतर्फ प्रोजेक्ट डीलाइट च्याम्पियन बनेका छन् ।
धन्यन्तरीस्थित फुटसल कोर्टमा शनिबार भएको एकदिने प्रतियोगितामा पुरुषतर्फ २४ र महिलातर्फ ८ टोलीको सहभागिता रहेको थियो । महिलातर्फ फाइनलमा क्यापले टिम डीएनएलाई १-० ले पराजित गर्दै उपाधि जित्यो । विजेता टोलीकी स्मृति खत्री उत्कृष्ट खेलाडी बन्दा पुजा कुँवर उत्कृष्ट गोलरक्षक घोषित भइन् । फाइनलमा पराजित डीएनएकी रुविना थापाले ४ गोलसहित सर्वाधिक गोलकर्ताको उपाधि जितिन् ।
पुरुषतर्फ फाइनलमा प्रोजेक्ट डीलाइटले क्याप टिमलाई टाइब्रेकरमा पराजित गरेको थियो । निकै प्रतिस्पर्धात्मक फाइनलको निर्धारित समय २-२ को बराबरीमा सकिएको थियो । प्रोजेक्ट डीलाइटले टाइब्रेकरमा ३-२ को अन्तरले जित हात पर्दै उपाधि कब्जा गर्यो । विधागत उत्कृष्टतर्फ विजयी टोलीको वर्चस्व रहयो । उत्कृष्ट खेलाडीमा ठाकुर श्रेष्ठ तथा उत्कृष्ट गोलरक्षक अनिल ढकाल भए । प्रतियोगिता अवधिभर ७ गोल गर्दै सर्वाधिक गोलकर्ता पनि विजयी टोलीका रितेश अधिकारी नै भए ।
विजयी टोली र खेलाडीलाई बैंकका प्रमुख कार्यकारी अधिकृत रोशन कुमार न्यौपाने र राष्ट्रिय फुटबल टोलीका पूर्वकप्तान अनिल गुरुङले पुरस्कृत गरे ।
पुरुषतर्फ सहभागी टोली :
ग्राउन्ड ए :
समूह ए : टिम आईटि, टिम डीएनए, लिगल
समूह बी : एसपीओ-बालाजु, ट्रान्ज्याक्सन ब्याङकिङ, प्रोजेक्ट डीलाइट
समूह सी : एसपीओ-पुल्चोक, आईआरएमडी, सेन्ट्रल सपोर्ट
समूह डी : एसपीओ-कर्पोरेट, एसपीओ-थानकोट, इन्टर्नल अडिट
ग्राउन्ड बी :
समूह ए : एसपीओ-कमलादी, क्याप, कार्ड्स
समूह बी : एसपीओ-चाबहिल, क्याड, डीबी एण्ड सीएएसए
समुह सी : एसपीओ-भक्तपुर, थिंक ट्यांक, एसपीओ-महाराजगंज
समुह डी : एसपीओ-न्युरोड, लोन रिकभरी, टिम एस्युरेन्स
महिलातर्फ :
समूह ए : सेन्ट्रल सपोर्ट, टिम डीएनए, ट्रान्ज्याकसन ब्याङ्किङ, एसपीओ-महाराजगन्ज
समूह बी : एसपीओ-चाबहिल, टिम कमलादी, एसपीओ-भरतपुर, क्याप
तस्बिरहरु :
April 5, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ । एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर […]
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]
