4 years ago
June 1, 2020
एजेन्सी – रियल म्याड्रिडका प्रशिक्षक तथा फ्रान्सेली राष्ट्रिय फुटबल टोलीका पूर्वकप्तान जिनेदिन जिदानले कोरोनाबाट प्रभावित भएको फुटसल क्षेत्र बचाउको लागि आवाज उठाएका छन् । जिदानले फ्रान्समा रहेका झन्डै २ सय ५० फुटसल सेन्टरहरुको आवाज बुलन्द पार्न अगाडी सारिएको कदममा आफ्नो पनि साथ रहने बताएका छन् । कोरोनाका कारण लामो समयदेखि बन्द गरिएको फुटसल अब खोल्नुपर्ने, […]
एजेन्सी – रियल म्याड्रिडका प्रशिक्षक तथा फ्रान्सेली राष्ट्रिय फुटबल टोलीका पूर्वकप्तान जिनेदिन जिदानले कोरोनाबाट प्रभावित भएको फुटसल क्षेत्र बचाउको लागि आवाज उठाएका छन् ।
जिदानले फ्रान्समा रहेका झन्डै २ सय ५० फुटसल सेन्टरहरुको आवाज बुलन्द पार्न अगाडी सारिएको कदममा आफ्नो पनि साथ रहने बताएका छन् । कोरोनाका कारण लामो समयदेखि बन्द गरिएको फुटसल अब खोल्नुपर्ने, र त्यसो सम्भव नभएका विकल्प खोज्नुपर्ने उनको भनाइ छ । फुटसल सामाजिक दुरी राखेर खेल्न सकिन्छ भने सुचारु गर्ने र त्यसो गर्न सकिन्न भने अन्य प्रायोजनका लागि भएपनि खोल्नुपर्ने उनको भनाइ छ ।
‘मैले सानो उमेरमा सडकमा खेलेर हुर्किएको हुँ । मैले खेलबारे थाहा नहुँदा पनि रमाइलोका लागि खेल्ने गर्दथें । मैले एक आपसमा भाइचारा बढाउन र खेलेर खुसी साट्न मैदान प्रवेश गर्थें, ‘ जिदानले जोर्नल दे दिमान्सलाई बताए ।
‘हामीले फुटसललाई यस्तो कठिन अवस्थामा सहयोग गर्नुपर्छ । फुटसल धेरैका लागि फुटबल सिक्ने आधार बनेको छ । फुटबलका प्राविधिक पक्षमा बलियो पार्न यसले भुमिका खेलेको छ । मैले अहिले आएर यसले हामीलाई कति सहयोग गरेको छ भन्ने महसुस गर्दैछु,’ रियलका प्रशिक्षकले थपे ।
जिदानले फुटसलको लागि पहिलो पटक कदम चालेका भने हैनन् । उनले यसअघि पनि विभिन्न च्यारिटी खेलमा उपस्थिति जनाएका छन् । जिदान आफैंले पनि फ्रान्समा ‘जेड५’ नामका दुई प्रशिक्षण केन्द्र खोलेका छन् ।
फुटसलको समर्थनमा फ्रान्सेली टोलीका डिफेन्डर बेन्जामिन मेन्डी, फरवार्ड विसाम बेन येडर, मिडफिल्डर अलु डियारा तथा पूर्व खेलाडी रोबर्ट पिरेस लगायतले पनि आवाज उठाएका छन् ।
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]
October 9, 2023
काठमाडौं (हाम्रो खेलकुद) –नेपाली राष्ट्रिय फुटसल टोलीले एएफसी फुटसल एसिया कपमा लगातार दोस्रो हार व्यहोरेको छ । मंगोलियाको बुयाान्ट उखा स्पोर्टस् प्यालेसमा सोमबार भएको खेलमा नेपाल भियतनामसँग ५–० ले पराजित भएको हो । लगातार दोस्रो खेलमा नेपालले ५ गोल खाएको छ । शनिबबार भएको खेलमा नेपालले दक्षिण कोरियसँगको खेल ५–१ ले गुमाएको थियो । समूह […]