3 years ago
September 21, 2021
विजय नेपाली, पोखरा फुटसल फाइभ धरानले ‘ए’ डिभिजन राष्ट्रिय फुटसल लिगमा पहिलो जित दर्ता गर्दा उपाधि दावेदार ढुकु फुटस हब काठमाडौंलाई स्तब्ध पारेको छ । पोखराको बहुउद्देश्यीय कभर्डहलमा सोमबार भएको खेलमा ढुकुलाई ५–३ ले हराउँदै फुटसल फाइभले पहिलो जित दर्ता गरेको हो । फुटसल फाइभको जितमा प्रवेश जोशीले दुई तथा कप्तान सन्दीप कार्की, सरोज तामाङ […]
विजय नेपाली, पोखरा
फुटसल फाइभ धरानले ‘ए’ डिभिजन राष्ट्रिय फुटसल लिगमा पहिलो जित दर्ता गर्दा उपाधि दावेदार ढुकु फुटस हब काठमाडौंलाई स्तब्ध पारेको छ ।
पोखराको बहुउद्देश्यीय कभर्डहलमा सोमबार भएको खेलमा ढुकुलाई ५–३ ले हराउँदै फुटसल फाइभले पहिलो जित दर्ता गरेको हो । फुटसल फाइभको जितमा प्रवेश जोशीले दुई तथा कप्तान सन्दीप कार्की, सरोज तामाङ र रञ्जित गुरुङले समान एक गोल गरे । ढुकुका अमित लामा, अभय राना र विक्रान्त नरसिंह राणाले गोल गरेपनि हार टार्न सकेन । फुटसल फाइभका गोलरक्षक सन्जीव तामाङ प्लेयर अफ दि म्याच चुनिए । उनले ५ हजार रुपैयाँ हात पारे ।
अपराजित फुटसल फाइभले पहिलो खेलमा शंखमुल फुटसलसँग ३–३ गोलको बराबरी खेलेको थियो । ढुकुको यो पहिलो हार हो । ढुकुले पहिलो खेलमा सविन मेमोरियललाई ८–६ ले पराजित गरेको थियो । यो जितसँगै फुटसल फाइभले २ खेलमा ४ अंक जोडेको छ । पराजित ढुकुको २ खेलमा ३ अंक छ ।
यस्तै सविन मेमोरियल एफसी पोखराले लुम्बिनी फुटसललाई ३–२ ले पराजित गर्दै लिगमा पहिलो जित निकालेको छ । सविन मेमोरियलको जितमा अविनाश तामाङ, सरोज गुरुङ र मनिष क्षेत्रीले गोल गरे । लुम्बिनीका लागि दुवै गोल हेमन्त गुरुङको नाममा रह्यो । सविन मेमोरियलका सबिन गुरुङ म्यान अफ दि म्याच चुनिए । उनले ५ हजार रुपैया पाए । यस जितसँगै सबिनले २ खेलमा ३ अंक जोडेको छ । पहिलो खेलमा सबिन ढुकु फुटसल हबसँग ८–६ ले पराजित भएको थियो । पहिलो हार बेहोरेको लुम्बिनीको २ खेलमा ३ अंक जोडेको छ । लुम्बिनीले पहिलो खेलमा झरना स्पोर्ट्स क्लबलाई ६–२ ले पराजित गरेको थियो ।
यस्तै दिनको पहिलो खेलमा स्पोर्ट्स क्यासल पोखरा र शंखमुल फुटसलले ३–३ गोलको बराबरी खेल्दै अंक बाँडेका छन् । स्पोर्ट्स क्यासलका विसन गुरुङ र अन्जन देवकोटाले गोल गर्दा शंखमुलका विवेक पण्डितले गोल गर्दा एक गोल उपहार पाएको थियो । स्पोर्ट्स क्यासलका किशोर गुरुङले आत्मघाती गोल गरेका थिए । स्पोर्ट्स क्यासलका विसन गुरुङ प्लेयर अफ दि म्याच चुनिए । उनले ५ हजार रुपैयाँ प्राप्त गरे ।
लिगमा बुधबार दुई खेल हुनेछ । दि राइजिङ क्लब धरान र झरना स्पोर्ट्स क्लब लुम्बिनी तथा प्रभातफेरी युथ क्लब र शंखमुल फुटसलबीच प्रतिस्पर्धा हुदैछ ।
लिगमा सहभागी १० टोलीले एकल राउन्ड रोविन लिगबाट शीर्ष चार टोलीले प्ले अफमा स्थान बनाउनेछन् । पहिलो प्लेअफको विजेताले फाइनलमा स्थान बनाउने छ । तेस्रो र चौथो हुने टोलीबीच दोस्रो प्लेअफमा प्रतिस्पर्धा हुनेछ । एलिमिनेटरमा पहिलो प्लेअफमा पराजित हुने टोली र दोस्रो प्लेअफको विजेताले फाइनल प्रवेशका लागि खेल्नेछन् । लिगको विजेताले १० लाख रुपैयाँ पाउनेछ भने उपविजेताले ५ लाख रुपैयाँ पाउनेछ । लिगको विंगर (आला–पिभोट), डिफेन्डर (फिक्सो), उदियमान खेलाडी, गोलरक्षक र प्रशिक्षकले समान २५ हजार पाउनेछन् । हरेक खेलको म्यान अफ दि म्याचले ५ हजार पाउनेछन् ।
लिगबाट एशियाली फुटबल महासंघ (एएफसी) द्धारा आयोजना हुने एएफसी फुटसल एसियन कप २०२२ को छनोटका लागि नेपाली राष्ट्रिय फुटसल टिमका लागि खेलाडी छनोट गरिने छ । एन्फाले एन्फा फुटसल कमिटिको सिफारिसमा गौरव बस्नेतलाई नेपाली राष्ट्रिय फुटसल टिमको मुख्य प्रशिक्षक नियुक्त गरिसकेको छ । सोही छनोट खेलबाट नै बस्नतेले आफ्नो जिम्मेवारी सम्हाल्ने छन् ।
April 5, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ । एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर […]
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]