default_image

2 years ago

October 2, 2021

रेफ्री विवादको उत्कर्षमा फुटसल लिग

विजय नेपाली, पोखरा पोखरामा जारी राष्ट्रिय ए डिभिजन लिग फुटसलमा लगातार रेफ्रीमाथि औंला उठाउने क्लब आफैं अनुशासन तोड्न थालेका छन् । खेलमा हार्ने टोलीले पटक पटक रेफ्रीको निर्णयप्रति असन्तुष्टि जनाउँदै आएका थिए । रेफ्रीबाट पनि यदाकदा हुने गल्तिलाई मानविय कमजोर मानिन्छ । तर , रेफ्रीको गलत निर्णयको बहानामा कुनैपनि टोलीलाई अनुशासन तोड्ने छुट पक्कै हुँदैन […]

82 views

0 Bookmark

विजय नेपाली, पोखरा

पोखरामा जारी राष्ट्रिय ए डिभिजन लिग फुटसलमा लगातार रेफ्रीमाथि औंला उठाउने क्लब आफैं अनुशासन तोड्न थालेका छन् । खेलमा हार्ने टोलीले पटक पटक रेफ्रीको निर्णयप्रति असन्तुष्टि जनाउँदै आएका थिए । रेफ्रीबाट पनि यदाकदा हुने गल्तिलाई मानविय कमजोर मानिन्छ । तर , रेफ्रीको गलत निर्णयको बहानामा कुनैपनि टोलीलाई अनुशासन तोड्ने छुट पक्कै हुँदैन ।

शनिबार स्पोर्ट्स क्यासल र फुटसल ५ धरानबिचको खेलमा धरानका खेलाडी, प्रशिक्षक तथा व्यवस्थापकले कोर्टमा अराजकता नै मच्याए । अत्यन्तै प्रतिस्पर्धात्मक खेलमा हार व्यहोरेपछि उनीहरु एकाएक रेफ्रीमाथि जाइलाग्दै फुटसल कोर्टमा प्रवेश गरे ।

धरानका सबै खेलाडी तथा अफिसियल रेफ्री हरिष कार्कीको निर्णयप्रति असन्तुष्टि जनाउँदै कोर्टमा पुगेका थिए । खेल सकिन केही मिनेटमात्रै बाँकी रहँदा धरानका गोलरक्षक धिरज तामाङले क्यासलका सुमित श्रेष्ठलाई वान भर्सेस वानको अवस्थामा डि एरिया बाहिर फाउल गरेपछि सिधै रातो कार्ड पाएका थिए । त्यसपछि धरानका खेलाडी, प्रशिक्षक र व्यवस्थापकले असन्तुष्टि जनाएका थिए ।

यसअघि क्यासलले पनि बारम्बार असन्तुष्टि भने जनाएकै थियो । अचानक धरानका खेलाडी रेफ्रीप्रति आक्रामक भएपछि रेफ्री कार्कीले रातो कार्ड दिए । निकै प्रतिस्पर्धात्मक खेलमा अचानक त्यसरी कार्ड देखाउँदा आयोजक पनि एकसमय छक्क परेको थियो । आयोजकको सचिवालयमा समेत यस विषयमा कुरा चल्यो । कार्कीलाई रेफ्री बस्ने कोठा तिर लगियो । बाहिर सुरक्षा कडा बनाइयो । खेलमा क्यासलले पुनरागमन जित निकालेको थियो ।

क्यासलले फुटसल ५ धरानलाई ३–२ ले हराएको थियो । क्यासलले खेल जित्दै तालिकाको शीर्षस्थानमा आफ्नो स्थानलाई सुरक्षित राखेको छ । लिगमा अब क्यासलले १ मात्रै खेल खेल्न बाँकी रहेको छ । क्यासलको कुल ८ खेलबाट २२ अंक रहेको छ । क्यासलले यस अघिनै प्लेअफमा आफ्नो स्थान सुरक्षित गरेको थियो ।

फुटसल ५ धरानका प्रशिक्षक विश्वास लामाले रेफ्रीको गल्ति बारम्बार दोहोरिएको बताए । उनले भने, ‘लिड लिएरपनि हार बेहोर्न पर्यो । कठिन खेल भयो । ठूलो खेलमा रेफ्रीको निर्णय राम्रो भएन । अन्तिम समयमा कर्नर हुने बलमा पनि उता किक-इन देखाइयो । मैले भन्न जाँदा मलाई पनि कार्ड । स्तरीय रेफ्री नभएको महसुस गरियो ।’

‘हामीले हार बेहोर्द मात्र होइन जितेका खेलहरुमा समेत असन्तुष्टि जनाउँदै आएका थियौं, ‘लामाले थपे ।

तर हारपश्चात जुन किसिमको व्यवहार देखियो त्यो भने प्रोफेसनल भने देखिएन । उक्त खेलमा खेल सकिएपपछि धरानका खेलाडी सुजन खड्का, प्रशिक्षक विश्वास लामा र व्यवस्थापक जिवन आले मगरले रातो कार्ड पाएका थिए ।

रातो कार्ड दिएका कारण अन्तिम खेलमा आफ्नो टोलीले खेल्न नसक्ने प्रतिक्रिया लामाले दिए । ‘हामी त सबैले रातो कार्ड खायौँ । मुख्य गोलरक्षकले पनि पायो, खेलाडी पनि घाइते छन् । रणनीति बनाउने र खेलाडीलाइ कसरी खेलाउने भन्ने पनि अब रहेन’ उनले भने ।

आयोजक कमिटिकै एक पदाधिकारीले भने कार्ड देखाइएको बारेमा रेफ्रीहरुसंग छलफलमा बस्ने बताए । उनले प्रतिस्पर्धात्मक खेलमा अचानक त्यसरी कार्ड दिनु गलत रहेको बताए । तर वास्तविकता भने छलफल पश्चात मात्रै बाहिर आउने उनले बताए । शनिबार नै भएको अर्को खेलमा द राइजिङ क्लब धरानले लुम्बिनी फुटसललाई ६–५ ले हराउँदा लुम्बिनी रेलिगेसनमा परेको छ ।

February 27, 2024

आइटी फुटसल कप हुने

काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]

January 22, 2024

भद्रकाली खुल्ला फुटसल फागुनमा

काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]

October 9, 2023

फुटसल एसिया कपमा नेपालको अर्कोको हार

काठमाडौं (हाम्रो खेलकुद) –नेपाली राष्ट्रिय फुटसल टोलीले एएफसी फुटसल एसिया कपमा लगातार दोस्रो हार व्यहोरेको छ । मंगोलियाको बुयाान्ट उखा स्पोर्टस् प्यालेसमा सोमबार भएको खेलमा नेपाल भियतनामसँग ५–० ले पराजित भएको हो । लगातार दोस्रो खेलमा नेपालले ५ गोल खाएको छ । शनिबबार भएको खेलमा नेपालले दक्षिण कोरियसँगको खेल ५–१ ले गुमाएको थियो । समूह […]

Success

Thank you for your time.