3 years ago
December 11, 2020
काठमाडौं (हाम्रो खेलकुद) – एसियाली फुटबल महासंघ (एएफसी) ले कतारमा हुने फिफा विश्वकप २०२२ को छनोट चरण अन्तर्गत समूह चरणको बाँकी खेलको खेल तालिका सार्वजनिक गरेको छ । सन् २०२० कै मार्चमा हुने तय भएको खेल कोरोना भाइरस संक्रमणका कारण अक्टोबर-नोभेम्बरलाई सारिएको थियो । तर स्थिति सुधार नहुँदा एएफसीले खेल स्थगित गरेको थियो । अब […]
काठमाडौं (हाम्रो खेलकुद) – एसियाली फुटबल महासंघ (एएफसी) ले कतारमा हुने फिफा विश्वकप २०२२ को छनोट चरण अन्तर्गत समूह चरणको बाँकी खेलको खेल तालिका सार्वजनिक गरेको छ ।
सन् २०२० कै मार्चमा हुने तय भएको खेल कोरोना भाइरस संक्रमणका कारण अक्टोबर-नोभेम्बरलाई सारिएको थियो । तर स्थिति सुधार नहुँदा एएफसीले खेल स्थगित गरेको थियो । अब नेपालले बाँकी खेल मार्च र जुन महिनामा खेल्ने भएको छ । छनोट अन्तर्गत ५ खेलमा १ जित र ४ हार बेहोरेको नेपालले ३ खेल खेल्न बाँकी छ । बाँकी सबै खेल दशरथ रंगशालामा हुनेछ ।
एएफसीले नेपाल र चाइनिज ताइपेइको खेल २५ मार्च २०२१ (चैत्र १२ २०७७) को लागि तोकेको छ । नेपालले त्यसको ५ दिनपछि नै ३० मार्चमा (चैत्र १७) अष्ट्रेलियासँग खेल्नेछ । विश्वकप छनोटको अन्तिम खेलमा नेपालले जोर्डनको सामना गर्नेछ । उक्त खेल ७ जुन २०२१ मा (२४ जेठ २०७८) हुनेछ ।
नेपालले विश्वकप छनोटमा एकमात्र जितको रुपमा चाइनिज ताइपेइको मैदानमा २-० को जित दर्ता गरेको थियो । उक्त खेलमा दुवै गोल अन्जन विष्टले गरेका थिए । नेपालले पछिल्लो पटक कुवेतविरुद्ध खेलेको थियो । रंगशाला खेल्न योग्य नहुँदा भुटानमा भएको उक्त खेलमा नेपाल १-० ले पराजित भएको थियो । समूह बी मा रहेको नेपाल हाल अंक तालिकाको चौथो स्थानमा छ ।
राष्ट्रिय टोलीले आइतबारदेखि विश्वकप छनोटलाई लक्षित गरेर तयारी सुरु गर्दैछ । एन्फाले ५८ खेलाडीलाई बन्द प्रशिक्षणमा राख्ने निर्णय गत साता गरेको थियो । प्रमुख प्रशिक्षक योहान कालिनले राजिनामा दिएपछि हाल बालगोपाल महर्जनले कार्यवाहक प्रशिक्षकको जिम्मेवारी निभाएका छन् ।
यो पनि :
May 5, 2024
दिल तामाङ,सिड्नी नेपाली पुरुष राष्ट्रिय भलिबल टोलीका सदस्य विशाल बहादुर बिकले अस्ट्रेलियाको सिड्नी भलिबल लिग (एसभिएल) खेल्ने भएका छन् । ओपन स्पाइकर विशाल प्रो भलिबल एकेडेमीमा आबद्ध भएका छन् । यससँगै विशाल एसभिएल खेल्ने पहिलो नेपाली खेलाडी बनेका छन् । उनी दक्षिण एसियाली मुलुक भन्दा बाहिरका देशबाट खेल्ने दोस्रो नेपाली पुरुष खेलाडी हुनेछन् । यसअघि […]
May 4, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका अलराउन्डर सोमपाल कामीलाई गीता एभिएसनले आफ्नो ब्रान्ड एम्बास्डरका बनाएको छ । सोमपाललाई गीता एभिएसनले शुक्रबार ब्रान्ड एम्बासेडरका रूपमा अनुबन्ध गरेको हो। नेपाल टि ट्वान्टी विश्वकप खेल्न अमेरिका / वेस्ट इन्डिज जानुअघि सोमपाल ब्रान्ड एम्बासेडर नियुक्त भएका हुन् । यो अनुबन्धनले नेपाली खेलकुद र गीता एभिएसन दुवै पक्षको […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]