6 years ago
October 15, 2019
काठमाडौं (हाम्रो खेलकुद) – नेपाली महिला राष्ट्रिय भलिबल टोलीले नयाँ कप्तानको रुपमा अरुणा शाहीलाई पाएको छ ।
१३औं सागको लागि टोलीका नियमित कप्तान बिनिता बुढाथोकी र उपकप्तान मन्जु गुरुङ २५ सदस्यीय प्रारम्भिक टोलीमै नपरेपछि नेपाली महिला टोलीको कप्तान को हुने भन्नेमा कौतुहलता रहेको थियो ।
मंगलबार नेपाल भलिबल संघले अरुणालाई कप्तान घोषणा गरेको हो । टोली बुधबार सागको र एसियन सेन्ट्रल जोन महिला भलिबल च्याम्पियनसिपका लागि थाइल्यान्ड जादैछ । सोही क्रममा नै संघले अरुणालाई कप्तानको जिम्मेवारी सुम्पिएको हो ।
अब अरुणाकै कप्तानीमा नेपालले बंगलादेशमा कात्र्तिकमा आयोजना हुने पहिलो एसियन सेन्ट्रल जोन महिला भलिबल च्याम्पियनसिप खेल्नेछ । नेपाल भलिबल संघका महासचिव जितेन्द्र बहादुर चन्दले सेन्ट्रल जोनका लागि अरुणाको कप्तानीमा नाम पठाइसकेको बताएका छन् । सम्भवत् घरमै आयोजना हुने १३औं सागमा पनि नेपाली टोलीले अरुणाकै कप्तानीमा खेल्नेछन् ।
महिला टोलीको कप्तान भएसँगै अरुणाले आफ्नो लागि यो सुनौलो अवसर रहेको बताएकी छन् । ‘राष्ट्रिय टोलीको कप्तान हुनु सानो कुरा होइन । संघले विश्वास गरेर मलाई कप्तानको जिम्मेवारी दिएको छ । आफ्नो भुमिकालाई निभाउने छु ।’ अरुणाले भने, ‘कप्तानसँगै नयाँ भुमिकामा पनि मलाई चुनौतीपुर्ण छ । नयाँ जिम्मेवारीमा कप्तान र सेटर हुदा कुनै प्रेसर लिएको छैन । आफ्नो सक्दो राम्रो गर्नेछौं ।’
उनी टोलीका सिनियर खेलाडी पनि हुन् । अरुणा शाही गण्डकी प्रदेशको मात्रै नभई नेपाली राष्ट्रिय टोलीकी भरपर्दा खेलाडी हुन् । स्पाइकर (हाल लिफ्टर) अरुणाले २०१४ मा नेपालमा आयोजना भएको माल्दिभ्ससँगको मैत्रीपुर्ण खेलबाट राष्ट्रिय टोलीमा ‘डेब्यु’ गरेकी थिइन् । त्यसयता, उनी टोलीको नियमित सदस्य छिन् ।
उनले राष्ट्रिय टोलीबाट माल्दिभ्ससँगको मैत्रीपुर्ण, भारतसँगको मैत्रीपुर्ण, साउथ एसियन आमन्त्रण भलिबल च्याम्पियनसिप, एभीसी सेन्ट्रल जोन र १२औं दक्षिण एसियाली खेलकुद (साग) खेलेकी छन् ।
https://www.hamrokhelkud.com/featured/56539.html
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
