7 years ago
August 11, 2018
काठमाडौं (हाम्रो खेलकुद) – अरहान्तकेशर सिंह पुरुष एकलतर्फ र भावना सुनुवार महिला एकलतर्फ तेश्रो धनलक्ष्मी महर्जन स्मृति राष्ट्रिय स्क्वास प्रतियोगितामा च्याम्पियन बनेका छन् । लगातार तेस्रोपटक च्याम्पियन बन्दै अरहान्त र भावनाले प्रतियोगितामा ह्याट्रिक पुरा गरेका हुन् ।
सातदोबाटोस्थित कोर्टमा शनिबार भएको पुरुष एकलतर्फको फाइनलमाा डिफेन्डिङ च्याम्पियन अरहान्तले अमृत थापामगरलाई ३–१ को सेटमा पराजित गर्दै लगातार तेस्रो पटक च्याम्पियन बन्न सफल भएका हुन् । अरहान्तले पहिलो सेट ११–७ ले आफ्नो पक्षमा पारे। दोस्रो सेट ७–११ ले गुमाएपनि त्यसपछिको दुई सेट भने अरहान्तले ११–८ र ११–६ ले आफ्नो पक्षमा पार्न सफल भए। प्रविन कंसकार र राजेन्द्र शाक्य तेस्रो भए ।
महिला एकलतर्फ भावनाले भावना सुनुवारले कृष्णा थापालाई ३–० को सोझो सेटमा परजित गर्दै च्याम्पियन बनेकी हुन् । भावनाले कृष्णामाथि ११–५, ११–७ र ११–१ को सहज जित निकालिन् । विपना ब्लोन र स्वस्थानी श्रेष्ठ तेस्रो भईन् ।
पुरुष जुनियर यु–१९ मा अमिर ब्लोन च्याम्पियन बने । अमिरले विजय मगरमाथि ३–० को सहज जित निकाल्यो । पुरुष यु–१५ ब्वाइजमा विकास मगर च्याम्पियन बने । विकासले सलिम थापामगरमाथि २–० को सहज जित निकाले। रोहन नेपाली र राजेश परियार तेस्रो भए ।
जुनियर यु–१५ महिलामा सपना ब्लोनले मुस्कान राउतमाथि २–० को जित निकाल्दै च्याम्पियन बनिन् । आयुष श्रेष्ठ र श्रीमाया लामा तेस्रो भईन् । पुरुष प्लेट च्याम्पियनसिपमा अमिर ब्लोन च्याम्पियन बने । अमिरले स्टेभ फ्रान्सिसमाथि ३–१ को जित निकाले । विनायक श्रेष्ठ र शैलेश अमात्य संयुक्त रुपमा तेस्रो भए ।
पुरुष मास्टर खुल्ला ५० वर्षमाथि सुदिप बहादुर सिंह च्याम्पियन बने । उनले दीलिप अधिकारीमाथि ३–० को सहज जित निकाले। सुरेश गुरुङ र इन्द्र बहादुर कार्की तेस्रो भए । विजयी खेलाडीहरुलाई नेपाल ओलम्पिक कमिटिका अध्यक्ष जीवनराम श्रेष्ठ, नेपाल स्क्वास राकेट्स संघका अध्यक्ष किशोर महर्जन, ललितपुर महानगरपालिकाका मेयर चिरिबाबु महर्जनले पुरस्कृत गरे ।
नेपाल स्क्वास राकेट्स संघले आयोजना गरेको प्रतियोगितामा पुरुष खुल्ला, महिला खुल्ला, मास्टर खुल्ला पुरुष ५० बर्ष भन्दा माथि, जुनियर ब्वाईज अन्डर १९, जुनियर ब्वाईज अन्डर १५, जुनियर गल्र्स अन्डर १५ तथा प्लेट गरी ७ विधामा प्रतिस्पर्धा भईरहेको छ । नेपाल स्क्वास राकेट्स संघले आयोजनामा गत मंगलबारदेखि आयोजना भएको प्रतियोगितामा विभिन्न ७ स्पर्धामा प्रतिस्पर्धा भएको थियो ।
December 2, 2025
काठमाडौं(हाम्रो खेलकुद)- साविक विजेता जनकपुर बोल्ट्सले पाँचौं खेलमा आज पहिलो जित निकाल्दै नेपाल प्रिमियर लिग (एपिएल) दोस्रो सिजनको प्ले अफ सम्भावनालाई जीवित राखेको छ। उच्च योगफलको खेलमा जनकपुरले चितवन राइनोजलाई ६ विकेटले पराजित गरेको छ। जनकपुरको जितमा माज सदाकत र अनिल साहले अर्धशतक बनाए। जितको लागि १ सय ७७ रनको चुनौती जनकपुर बोल्ट्सले १७. ३ […]
November 3, 2025
काठमाडौं (हाम्रो खेलकुद)- होटल मिस्टिक माउन्टेन ग्रान्ड ओपन टेनिस प्रतियोगिताको तयारी पूरा भएको आयोजकले जनाएको छ । होटल मिस्टिक माउन्टेनको आयोजनामा प्रतियोगिता मंगलवारदेखि सातदोबाटोस्थित टेनिस कम्प्लेक्समा हुँदैछ। प्रतियोगितामा ७ उमेरसमूह र २ खुला गरी जम्मा १६ स्पर्धामा प्रतिस्पर्धा हुने प्रतियोगिता संयोजक सूर्यभूषण वज्राचार्यले जनाएका छन् । यु–८, यु–९, यु–१०, यु–१२, यु–१४ र यु–१६ ब्वाइज/ गर्ल्स […]
September 1, 2025
सुशील पन्त क्षेत्री, चितवन तेस्रो स्व सूर्यप्रसाद श्रेष्ठ स्मृति रनिङ शिल्ड आठौं जिल्ला स्तरीय एकल अन्तर विद्यालय तथा वडा स्तरीय ब्याडमिन्टन प्रतियोगिता सम्पन्न भएको छ । चितवन जिल्ला ब्याडमिन्टन संघको आयोजनामा भरतपुर कभर्ड हलमा प्रतियोगिता भएको हो । प्रतियोगिता अन्तर्गत खुला वडा स्तरीय पुरुष डबल्सतर्फ भरतपुर १९ का लेख गुरुङ र निशान गुरुङको जोडी प्रथम […]
