3 years ago
January 17, 2021
काठमाडौं (हाम्रो खेलकुद)– सिल्क ग्रुपका प्रिन्स दाहाल र एपिएफकी जेसिका गुरुङ्गले योनेक्स सनराईज १० औं पुष्पलाल स्मृती राष्ट्रिय र्याङ्किङ्ग ब्याडमिन्टन प्रतियोगिताको उपाधि जितेका छन् ।
सेमिफाइनलमा शीर्ष वरियताका रत्नजित तामाङलाई स्तब्ध पारेको प्रिन्सले पुरुष एकलको फाइनलमा दोस्रो वरियताका दीपेश धामीलाई हराएका छन् । पुष्पलाल स्मृति ब्याडमिन्टनको नयाँ च्याम्प्यिन बन्ने क्रममा १६ वर्षे प्रिन्सले दीपेशलाई २१–१८ र २१–१३ को सोझो सेटमा हराए । तीन दिन अघि मात्र प्रिन्स विश्व जुनियर वरियताको तेस्रो नम्बरमा उक्लेका थिए ।
सर्लाहीको गोलबजार कभर्डहलमा भएको प्रतियोगिताको महिला एकलको फाइनलमामा जेशिकाले राष्ट्रिय च्याम्पियन त्रिभुवन आर्मी क्लबकी रसिला महर्जनलाई हराएकी थिइन् । प्रतिस्पर्धात्मक फाइनलमा जेसिकाले १८–२१, २१–१५ र २२–२० को जित निकालिन् । जेसिकाको यो दोस्रो उपाधि हो । सातौं सस्करणमा पनि उनले उपाधि जितेकी थिइन् ।
राष्ट्रिय ब्याडमिन्टन संघ नेपाल र गोलबजार नगरपालिकाको संयुक्त आयोजनामा भएको पुरुष शिर्ष १६ वरियता बाहेकको एकलको प्रतिस्पर्धामा कैलालीका देवराज राना विजयी भए । उनले आर्मीका दिवश शंकरलाई १५–२१, २१–१८ र २१–१६ ले हराए । शीर्ष १२ वरियता बाहेकको महिला एकलमा कैलालीकी प्राथना देउवा विजयी भइन् । प्राथनाले फाइनलमा झापाकी अञ्जना राईलाई २१–९ र २१–१३ ले पराजि गरिन् ।
पुरुष युगल तर्फको प्रतिस्पर्धामा आर्मीका रत्जजित र नविन श्रेष्ठको जोडीले उपाधि जित्यो । उनीहरुले आर्मीकै सुरोज महर्जन र पविन लिनथेपको जोडीलाई २१–१९, १९–२१ र २१–१३ ले हरायो । महिला युगलतर्फ आर्मीले उपाधि जित्यो । आर्मीका रशिला र अमिता गिरीको जोडीले एपिएफका जेशिका र सुनयना मुखियाको जोडीलाई २१–१८ र२१–१२ ले पराजित गरेको हो ।
ब्वाईज यु – १७ एकलतर्फ आर्मीका भोज बहादुर गुरुङ्ग च्याम्पियन बने । भोजले आफ्नै क्लबका आयुष्मान नागरीलाई २१–५, १९–२१ र२१–१० ले हराए । गल्स यु – १७ एकलमा राष्ट्रिय च्याम्पियन सेनाकी रशिलाले विराट ब्याडमिन्टन क्लबकी रोज पाण्डेलार्य २१–१० र२१–१० ले हराउँदै उपाधि रक्ष गरिन् ।
भेट्रान्स युगल तर्फको प्रतिस्पर्धामा चितवनका सुभाष श्रेष्ठ र बाँकेका अनिल कुमार लाखेको जोडी विजयी भयो । उनीहरुको जोडीले कास्की पोखराका शोभाकर भंडारी र नविन पराजुलीको जोडीलाई २१–१२ र २१–१९ ले हराए । लाखेले झन्डै १२ बर्ष पछि कोर्टमा उत्रेका थिए ।
गोलबजार नगरपालिकाका मेयर देवनाथ शाह र उपप्रमुख रेशम कुमारी थापा, राष्ट्रिय खेलकुद परिषद्का सदस्य सुभाष श्रेष्ठ, नेपाल ब्याडमिन्टन संघका अध्यक्ष रामजी बहादुर श्रेष्ठ लगायत विजयी खेलाडीलाई पुरस्कृत गरे ।
र्याङ्किङ्ग बाहेकका प्रतियोगिताका पुरुष तथा महिला एकल र युगल, यस्तै ४५ बर्ष माथिको भेट्रान्स युगलका विजयी खेलाडीहरुले २० हजार, उपविजेताले १० हजार र शीर्ष चारमा पुग्नेले समान ५ हजार रुपैयाँ प्राप्त गरे । त्यस्तै छात्र तथा छात्रा यु – १७ का विजयीले १५ हजार, उपविजेताले ८ हजार र शीर्ष चारमा पुग्न सफल खेलाडीले समान ४ हजार रुपैयाँ प्राप्त गरे ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]