default_image

2 years ago

November 20, 2021

किरण र सन्तोषी च्याम्पियन

नेपालगन्ज (हाम्रो खेलकुद) – सातौं संस्करणको धारा नेपालगन्ज म्याराथनको उपाधि नेपाल एपिएफ क्लबका किरण सिंह बोगटी तथा महिलातर्फ हाफ म्याराथनको उपाधि सन्तोषी श्रेष्ठले जितेका छन् । १३ औं दक्षिण एसियाली खेलकुद (साग) का विजेताद्वय किरण र सन्तोषीले नेपालगन्जमा उपाधि जितेका हुन् । किरणले निर्धाति दुरी २ घण्टा २९ मिनेट ४१ सेकेन्डमा पूरा गर्दै विजेता बनेका […]

112 views

0 Bookmark

नेपालगन्ज (हाम्रो खेलकुद) – सातौं संस्करणको धारा नेपालगन्ज म्याराथनको उपाधि नेपाल एपिएफ क्लबका किरण सिंह बोगटी तथा महिलातर्फ हाफ म्याराथनको उपाधि सन्तोषी श्रेष्ठले जितेका छन् । १३ औं दक्षिण एसियाली खेलकुद (साग) का विजेताद्वय किरण र सन्तोषीले नेपालगन्जमा उपाधि जितेका हुन् ।

किरणले निर्धाति दुरी २ घण्टा २९ मिनेट ४१ सेकेन्डमा पूरा गर्दै विजेता बनेका हुन् । सन्तोषीले १ घण्टा १८ मिनेट ४८ सेकेन्डमा पूरा गर्दै च्याम्पियन बनेकी थिइन् । १३ औं सागका स्वर्णधारी किरणले त्रिभुवन आर्मी क्लबका नरेन्द्र रावतलाई पछि पार्दै च्याम्पियन बने । १३ औं सागकी स्वर्णपदक विजेता सन्तोषीले साविक विजेता पुष्पा भण्डारीलाई पछि पार्दै उपाधि जितेकी हुन् ।

दोस्रो बनेका नरेन्द्रले २ घण्टा ३३ मिनेट २८ सेकेन्डमा निर्धारित दुरी पार गरेका थिए । एपिएफका सन्तोष विक्रम विष्टले २ घण्टा ३३ मिनेट ३४ सकेन्डमा पुरा गर्दै तेस्रो बने । आर्मीका खडक बहादुर खड्काले २ घण्टा ३३ मिनेट ४५ सकेन्डमा पूरा गर्दै चौथो बनेका थिए । आर्मीका देवराज महतरा पाँचौं, पाँचथरका प्रताप धमसङ र प्यूठानका हिमु गिरी सातौं बनेका थिए ।

गतवर्ष पुष्पाले निर्धारित दुरी १ घण्टा २६ मिनेट ५४ सेकेन्डमा पूरा गर्दै प्रथम स्थान हासिल गरेकी थिइन् । साविक विजेता पुष्प भण्डारीले १ घण्टा १९ मिनेट १८ सकेन्डमा दुरी पार गर्दै दोस्रो भइन् । तेस्रो भएकी सुर्खेतकी विन्दु हमालले १ घण्टा ३६ मिनेट ३९ सकेन्डमा पूरा गरेकी थिइन् । कन्चनपुरकी सरस्वती बोहरा चौथो, साधना शाही पाँचौं, बर्दियाकी कल्पना थारु छैटौं र सुखर्तेकी चन्द्रमाया राउत छैटौं र कोहपुरकी पुष्पा खड्का सातौं स्थानमा रहिन् ।

म्याराथनतर्फ विजेताले एक लाख, उपविजेतालाई ५० हजार, तृतीयलाई २५ हजार, चौथोलाई १५ हजार, पाँचौंलाई १० हजार, छैटौंलाई ८ हजार र सातौंलाई ७ हजार प्रदान गरिएको छ । त्यसैगरी हाफ म्याराथन (महिला) तर्फ विजेताले ५१ हजार, उपविजेताले २५ हजार, तेस्रोले १५ हजार, चौथोले १० हजार, पाँचौंले ८ हजार, छैटौंले ७ हजार र सातौंले ६ हजार प्राप्त गरे ।

१० किलोमिटर खुल्ला (पुरुष) मा मुकेश पाल प्रथम, तिर्थ पुन द्वितिय र सन्तोषनाथ योगी तृतिय भएका छन् । उनीहरुले क्रमशः २५ हजार, १५ हजार र १० हजार रुपैया पुरस्कार पाए । ५ किलोमिटर खुल्ला (महिला) मा राजपुरा पछाई प्रथम, फूलमति राना द्वितिय र बन्दना बुढा तेस्रो भइन् । उनीहरुले क्रमशः १५ हजार, १० हजार र सात हजार रुपैया पुरस्कार पाए ।

५ किलोमिटर (छात्र) मा बादल कार्की प्रथम, अतुल गोडिया द्वितिय र दिपेन्द्र बोहरा तृतिय भएका छन् । उनीहरुले क्रमशः १० हजार, ७ हजार र ५ हजार रुपैया पुरस्कार पाएका छन् । ३ किलोमिटर (छात्रा) मा सविता बुढा प्रथम, मन्जिता ऐडी द्वितिय र रविना शेष तृतिय भएका छन् । उनीहरुले क्रमशः ७ हजार, ५ हजार र तीन हजार रुपैया पुरस्कार पाएका छन् ।

ह्वील चियरमा महेश चौधरी प्रथम, यज्ञबहादुर खत्री द्वितिय र चन्द्रबहादुर कामी तृतिय भएका छन् । उनीहरुले सात हजार, ५ हजार र तीन हजार रुपैया पुरस्कार पाएका छन् । किड्स रन (पुरुषमा) मा जश्मन्त शाही प्रथम, रोहित सुनार द्वितिय र शिशिर थापा तृतिय भएका छन् । उनीहरुले पन्ध्र सय, एक हजार र पाँच सय रुपैया पाए ।

किड्स रन (महिला) मा जमुना पुनमगर प्रथम, समृद्धि बुढाक्षेत्री द्वितिय र रुपा विष्ट तृतिय भएका छन् । उनीहरुले पन्ध्र सय, एक हजार र पाँच सय रुपैया पुरस्कार पाएका छन् । कर्पोरेट रनमा नवराज जोशी प्रथम, डा. पुष्कर न्यौपाने द्वितिय र विष्णुबहादुर रिमाल तृतिय भए ।

विजयी खेलाडीलाई युवा तथा खेलकुदमन्त्री महेश्वर महतराज, महानायक राजेश हमाल, दुग्गड ग्रुपका प्रदीप छाजेडलगायतले पुरस्कार वितरण गरे । नेपालगञ्ज म्याराथनको युवा तथा खेलकुदमन्त्री महेश्वर गहतराजले उद्घाटन गरेका थिए । मन्त्री गहतराज महानायक राजेश हमालसँगै वाकाथनमा सहभागी भएका थिए ।

नेपाली सेनाका पश्चिम कमाण्ड सेनापति उपरथी प्रेम शाही, नम्बर ४ बाहिनीपति सहायक रथी हरेन्द्र पाठक, भैरवप्रसाद गणका गणपति प्रमुख सेनानी जनमत कार्की, कृतिमानी धावक बैकुण्ठ मानन्धरसहित १९ जनाले २१ किलोमिटर दौडमा सामेल भएका थिए ।

आयोजक क्रियटिभ ह्याण्डसले पोखरा म्याराथनका परिकल्पनाकार खड्गबहादुर रानाभाटलाई कदरपत्रले सम्मान गरेको थियो । म्याराथन धावकको विश्व साइकलयात्री पुष्कर शाहलगायतले स्कटिङ गरेका थिए । आयोजक क्रियटिभ ह्याण्डसका अध्यक्ष टीएस ठकुरीले २५ हजार पुरस्कारबाट शुरु गरिएको म्याराथनको राशी बढाएर एक लाख रुपैया पु¥याइएको बताउदै म्याराथनमा समाजका विशिष्ट व्यक्तित्वहरुलाई जोड्ने काम भइरहेको बताए ।

March 21, 2024

राइट टु प्रोटिन रनमा ७ हजार बढी दौडने

काठमाडौं (हाम्रो खेलकुद)– राइट टु प्रोटिन रनको हाफ म्याराथनको तेस्रो संस्करण सबै तयारी पूरा भएको आयोजक नेपाल भेटेरिनरी एसोसिएसनले जानकारी दिएको छ । हाफ म्याराथन शनिबार दशरथ रंगशालामा आयोजना हुँदैछ । प्रोटिन माथिको अधिकारको मर्मलाई आत्मसात गर्दै प्रोटिनजन्य पदार्थमा पहुँच बढाउन जनचेतना फैलाउने उद्देश्यले म्याराथन आयोजना गरिएको बिहीबार आयोजित पत्रकार सम्मेलनमा प्रतियोगिताका संयोजक सितलकाजी श्रेष्ठले […]

March 14, 2024

नेपालगन्ज म्याराथनका संस्थापक ठकुरी फिक्ट्सको नेपाल दूत

काठमाडौं (हाम्रो खेलकुद) – नेपालगन्ज म्याराथनका संस्थापक टीएस ठकुरी नेपालका लागि फिक्ट्सको दूतमा नियुक्त भएका छन् । विश्वभर खेलकुद र ओलम्पिक मूल्यहरूको सारलाई थप प्रचार गर्नको लागि, इटालीको मिलानमा रहेको फेडरेसन इन्टरनेसनल सिनेमा टेलिभिजन स्पोर्टिफ्स (फिक्ट्स) ले विभिन्न देशहरूमा आफ्ना गतिविधिहरूको दायरा फराकिलो बनाउने लक्ष्य राखेको छ । अन्तर्राष्ट्रिय ओलम्पिक समितिद्वारा भिजुअल मिडिया मार्फत खेलकुदका […]

March 12, 2024

कीर्तिमानी धावक मानन्धर सम्मानित

काठमाडौं (हाम्रो खेलकुद) – क्यामेलिया स्कुलले आफ्नो रजत महत्सवमा कीर्तिमानी धाकव बैकुण्ठ मानन्धरणलाई सम्मान गरेको छ । सोही अवसरमा करातेका उदीयमान खेलाडी आर्यन रन्जितलाई सम्मान गरिएको थियो । मानन्धरले दक्षिण एसियाली महासंघिय खेलकुद (साफ) हालको दक्षिण एसियाली खेलकुद (साग) का कीर्तिमानी स्वर्ण पदक जितेका थिए । मानन्धरले सन् १९८४ को पहिलो साफ, १९८५ र १९८७ […]

Success

Thank you for your time.