काठमाडौं (हाम्रो खेलकुद) – धादिङकी सन्तोषी श्रेष्ठ र बाग्लुङका तीर्थ पुनले रन फर प्रोटिन हाफ म्याराथनको उपाधि जितेका छन् ।नेपाल भेटनरी एसोसिएनको आयोजनामा त्रिपुरेश्वरस्थित दशरथ रंगशालामा शनिबार भएको म्याराथनमा सन्तोषी महिलातर्फ तथा तीर्थ पुरुषतर्फ च्याम्पियन बनेका हुन् ।

खुल्ला हाफ म्याराथान पुरुषमा तीर्थले निर्धारित २१ किलोमिटर दुरी १ घन्टा ३ मिनेट ४५ सेकेन्डमा पुरा गर्दै पहिलो स्थान हात पारे । दोस्रो भएका जुम्लाका दुर्गा बहादुर बुढाले १ घन्टा ३ मिनेट ४९ सेकेन्डमा दुरी पार गरे ।

एपिएफका गोपीचन्द्र पार्कीले १ घन्टा ४ मिनेट २९ सेकेन्डमा पुरा गर्दै तेस्रो स्थान हासिल गरे । आर्मीका राजन रोकाले १ घन्टा ४ मिनेट ४० सेकेन्डमा दुरी पार गर्दै चौथो स्थान हासिल गरे । आर्मीकै होमलाल श्रेष्ठले १ घन्टा ५ मिनेट ५८ सेकेन्डमा दुरी पार गर्दै पाँचौ स्थान हासिल गरे ।

खुल्ला हाफ म्याराथन महिलामा पहिलो भएकी धादिङकी सन्तोषी श्रेष्ठले निर्धारित दुरी १ घन्टा १४ मिनेट १४ सेकेन्डमा पुरा गरे । एपिएफकी पुष्पा भण्डारीले १ घन्टा १७ मिनेट ५८ सेकेन्डमा दुरी पूरा गर्दै दोस्रो स्थान हासिल गरिन् ।

आर्मीकी विश्वरुपा बुढाले १ घन्टा १९ मिनेट १ सेकेन्डमा दुरी पार गर्दै तेस्रो स्थान हासिल गरिन् । एपिएफकी विन्द्रा धनके श्रेष्ठले चौथो तथा पुलिसकी रेखा विष्टले पाँचौ स्थान हासिल गरिन् ।

हाफ म्याराथनको महिला तथा पुरुषको विजेता सन्तोषी र तीर्थले समान १ लाख रुपैयासहित ट्रफी र मेडल प्राप्त गरे । दोस्रो भएको पुष्पा र दुर्गाले समान ७५ हजार रुपैयाँ, मेडल र ट्रफी पाए । तेस्रो भएको विश्वरुपा र गोपीले ५० हजार हात पारे । चौथो भएका विन्द्रा र राजनले समान ४० हजार तथा पाँचौ भएका रेखा र होमलालले समान ३० हजार रुपैयाँ हात पारे ।

१० किमि खुल्ला पुरुषमा आर्मीका मुकेश पाल पहिलो भए । उनले निर्धारित दुरी ३० मिनेट ३९.४१ सेकेन्डमा पूरा गरे । पर्वतका अनिष थापा मगरले ३१ मिनेट ०३.९० सेकेन्डमा दुरी पार गर्दै दोस्रो स्थान हासिल गरे । आर्मीकै दीपक अधिकारीले ३१ मिनेट ०८.९१ सेकेन्डमा दुरी पार गर्दै तेस्रो भए ।

एपिएफका अजित कुमार यादवले ३१ मिनेट ५०.४८ सेकेन्डसहित चौथो स्थान हासिल गर्दा आर्मीका नरेन्द्र सिहं राउतले ३२ मिनेट ०१.२६ सेकेन्डसहित पाँचौ भए । पहिलो भएका मुकेशले ५० हजार, दोस्रो भएका अनिषले ४० हजार, तेस्रो भएका दीपकले ३० हजार, चौथो भएका अजितले २० हजार र पाँचौ भएका नरेन्द्रले १० हजार रुपैयाँ हात प्राप्त गरे ।

खुल्ला महिला ५ किमिमा पुलिसकी राजपुरा पछाई पहिलो भइन् । उनले निर्धारित दुरी २२ मिनेट ४२.२ सेकेन्डमा पुरा गरिन् । जुम्लाकी राममाया बुढाले २३ मिनेट ०८.१ सेकेन्डसहित दोस्रो स्थान हासिल गरिन् । तेस्रो भएकी एपिएफकी फुलमती रानाले २३ मिनेट ५०.१ सेकेन्डमा दुरी पार गरिन् ।

पुलिसकी विर्सना कुमालले चौथो तथा एपिएफकी आशा राउतले पाँचौ स्थान हासिल गरिन् । राजपुराले ३० हजार, राममायाले २० हजार, फुलमतीले १५ हजार, विर्सनाले १० हजार तथा आशाले ५ हजार रुपैया हात पारिन् ।

५ किलोमिटर स्कुल ब्वाइजमा प्रकाश कठायत पहिलो, आशिष क्षेत्री दोस्रो, नागेश्वर ऐर तेस्रो, एकेन्द विक चौथो तथा विश्वराम कुँवर पाँचौ भए । उनीहरुले क्रमशः ३० हजार, २०, हजार, १५ हजार, १० हजार र ५ हजार रुपैयाँ प्राप्त गरे ।

३ किलोमिटर स्कुल गल्र्समा जुम्लाकी बन्दना बुढा पहिलो, जुम्लाकै समित बुढा दोस्रो, कालिकोटकी लक्ष्मी शाही तेस्रो, स्वयम्भुकी सोनु घतानी चौथो तथा जेसिस स्कुलकी रेस्तिना सितिकुम पाँचौ भइन् । उनीहरुले क्रमश, २० हजार, १५ हजार, १० हजार, ५ हजार र २ हजार ५ सय रुपैयाँ हात पारे ।

३ किलोमिटर ह्वील चेयरमा प्रेम बहादुर विक पहिलो, कृष्ण चौधरी दोस्रो, राम काजी मिजार तेस्रो, दीपक श्रेष्ठ चौथो तथा यमी झाँक्री मगर पाँचौ भइन् । ह्वील चेयरको विजेताले ३० हजार, दोस्रोले २० हजार, तेस्रोले १५ हजार, चौथोले १० हजार र पाँचौले ५ हजार रुपैयाँ प्राप्त गरे ।

विजयी खेलाडीलाई उपराष्ट्रपति नन्द बहादुर पुन, युवा तथा खेलकुद मन्त्री महेश्वर जंग गहतराज, नेपाल भेटनरी एसोसिएनका अध्यक्ष डाक्टर सितलकाजी श्रेष्ठलगायतले पुरस्कृत गरे ।

म्याराथनमा खुल्ला हाफ म्याराथान (महिला–पुरुष), पुरुष १० किमि खुल्ला, महिला ५ किमि, १२ कक्षासम्मका विद्यार्थीलाई ५ किमि (पुरुष) र ३ किमि (महिला) र फरक क्षमता भएका व्यक्तिहरुको लागि ह्वीलचेयर गरी ६ विधा समावेश गरिएको म्याराथनमा १९३६ जना धावक–धविकाले सहभागिता जनाएका थिए ।

म्याराथन दशरथ रंगशालाबाट शुरु भएर थापाथली, माइतीघर, नयाँ बानेश्वर, तिनकुने, कोटेश्वर, गठ्ठाघर, राधे–राधे (भाटभटेनी स्टोर) हुदै सोही रुट फिर्ता हुदै दशरथ रंगशालामा आएर टुंगिएको थियो । म्याराथनलाई नेपाल दाना उद्योग संघ, नेपाल पशुपन्छी औषधि व्यवसायी संघ, नेपाल ह्याचरी उद्योग संघ, नेपाल अण्डा उत्पादक संघ लगायतका संस्था सहयोगीको रुपमा रहेका थिए । म्याराथनलाई नेपाल एथलेटिक्स संघले मान्यता प्रदान गरेको थियो ।