3 years ago
August 8, 2021
एजेन्सी – टोकियो ओलम्पिक २०२० मा भारतलाई एकमात्र स्वर्ण पदक दिलाउने निरज चोपराले पुरस्कारवापत सरकारी र प्राइभेट संस्थाबाट करोडौं रुपैयाँ पुरस्कार पाउने भएका छन् ।
निरजले शनिबार एथ्लेटिक्सको ज्याभलिन थ्रोमा ८७.५८ मिटरको प्रदर्शनसहित स्वर्ण पदक जितेका थिए । भारतले १३ वर्षपछि ओलम्पिकमा स्वर्ण जित्न सफल भएको हो । एकल स्पर्धामा यो मात्र दोस्रो पदक हो । यसअघि सुटिङका अभिनव बिन्द्राले सन् २००८ को बेजिङ ओलम्पिकमा स्वर्ण जितेका थिए ।
भारतले ओलम्पिकको एथ्लेटिक्समा कुनैपनि पदक जितेको यो पहिलो अवसर हो । भारतले ओलम्पिक १ सय २१ वर्ष इतिहासमा पहिलो पटक एथ्लेटिक्समा कुनैपनि पदक जितेको पहिलो पटक हो । स्वर्णविजेता निरजलाई भारतमा अहिले करोडौंको पुरस्कारको घोषणा भइरहेको छ ।
हरियाणा सरकारले निरजलाई ६ करोड भरतीय रुपैयाँ पुरस्कार रुपैयाँ दिने घोषणा गरेको छ । द बोर्ड अफ कन्ट्रोल फर क्रिकेट इन इन्डिया (बिसिसिआई) ले र चेन्नई सुपर किंग्सले एक-एक करोड भारतीय रुपैयाँ दिने घोषणा गरेका छन् । बिसिसिआईले रजत विजेता प्रत्येक खेलाडीलाई ५०-५० लाख रुपैयाँ दिने घोषणा गरेको छ । त्यस्तै बोर्डले कास्य पदक विजेता खेलाडीलाई २५-२५ लाख रुपैयाँ र कास्य पदक जितेको हक्की टोलीलाई १ करोड २५ लाख रुपैयाँ दिने जनाएको छ । चेन्नईले सम्मान स्वरुप निरजलाई ८७५८ नम्बरको जर्सी पनि दिने भएको छ ।
पन्जाबका मुख्यमन्त्री अमरिंदर सिंहले २ करोड भारतीय रुपैयाँ निरजलाई दिने घोषणा गरिसकेका छन् । इन्डिगो एअरलाइन्सले निरजलाई एक वर्ष विश्वको जुनसुकै ठाउँमा निशुल्क जाने व्यवस्था मिलाइदिने जनाएको छ । एलन ग्रुपले निरजलाई २५ लाख भारतीय रुपैया पुरस्कारको घोषणा गरेको छ ।
भारतीय व्यापारी आनन्द महिन्द्राले निरजलाई सुभ जेयुभि ७०० ब्रान्डको कार पुरस्कार दिने घोषण गरेका गरेका छन् । जसको बजार मूल्य १६ लाख भारतीय रुपैयाँ छ । भारतीय क्रिकेट टोलीको जर्सीको मुख्य प्रायोजक बायजुले २ करोड रुपैयाँ घोषणा गरेका छ । भारतमा निरजलाई पुरस्कार घोषणा लगातार जारी छ । २३ वर्षिय निरज भारतीय आर्मीका जुनियर अफिसर समेत हुन् । उनले अब प्रथम श्रेणीको अफिसरमा पदोन्नति हुने बुझिएको छ ।
भारतले टोकियो ओलम्पिकमा पदक संख्या ७ पुर्याएको छ । भारतले १ स्वर्ण, २ रजत र ४ कास्य जितेको छ । भारोत्तोलनमा मिराबाई चानुले रजत पदक जित्दै भारतको पदकको सिलसिला सुरु भएको थियो । कुस्तीमा रवी दहियाले पनि रजत जितेका थिए । शनिबार नै कुस्तीमा बजरङ पुनियाले कास्य पदक हासिल गरे । त्यसअघि ब्याडमिन्टनकी पीभी सिन्धु, बक्सिङकी लाभ्लिना बोर्गोहाई तथा पुरुष हकी टोलीले पनि कास्य पदक जितेका थिए ।
May 18, 2024
काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]
May 17, 2024
काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको नाम ओलम्पिकमा खेल्ने पक्का भएको जानकारी […]
May 16, 2024
सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]