काठमाडौं (हाम्रो खेलकुद) – नेपालका मध्यक्रमका ब्याटर दीपेन्द्रसिंह ऐरीले ओन्टारियो क्रिकेट क्लबसँग टि२० अभ्यास खेलमा आक्रामक अर्धशतक प्रहार गरेका छन् । किंग सिटीमा मेपल लिफ मैदानमा टस जितेर पहिला ब्याटिङ रोजेको नेपालले १५ ओभरमा ३ विकेट गुमाउँदै १ सय ४१ रन बनाएको छ ।

दीापेन्द्र २६ बलमा ६ चौका र २ छक्कासहित ५४ रनमा अविजित छन् । दीपेन्द्रले २५ बलमा अर्धशतक प्रहार गरेका हुन् । रोहित पौडेल १२ बलमा १ चौकासहित १६ रनमा खेलेका छन् ।

नेपाललाई पहिलो विकेटका लागि ओपनर कुशल भुर्तेल र पवन सरार्फले २.५ ओभरमा १६ रनको साझेदारी गरेका थिए । कुशल रेमाण्ड बाइनको बलमा जश शाहबाट २ रनमा क्याच आउट भए । ओपनर आसिफ शेखलाई बेन्चमा राखेको हुँदा नेपालले आज पवन र कुशललाई ओपनिङ पठाएको थियो ।

देव खनाल बरुण सहदेव १३ बलमा २ चौका र १ छक्कासहित २० रनमा बोल्ड आउट भए । ओपनर पवन सरार्फ ३४ बलमा ५ चौकासहित ३७ रनमा क्याच आउट भए । तेस्रो विकेटका लागि दीपेन्द्र र पवनले ४० रनको साझेदारी गरेका थिए ।

एकदिवसिय अभ्यास खेलमा भने नेपालले ओन्टारियो क्रिकेट क्लबलाई ६९ रनले हराएको थियो । यो अभ्यासा खेल हुँदा सन्दीप र आसिफ शेख मात्र वैकल्पिक सूचिमा छन् ।