2 years ago
August 10, 2022
काठमाडौं (हाम्रो खेलकुद) – युवा ओपनर कुशल भुर्तेल र विकेटकिपर विनोद भण्डारी नेपाली क्रिकेट टोलीबाट बाहिरिएका छन् । नेपालले अर्को महिना सुरुवातमा केन्यासँग खेल्ने पाँच टि२० आई र तीन एकदिवसिय अभ्यास टोली घोषणा गर्दा कुशल र विनोद बाहिरिएका हुन् ।
कुशल नेपाली क्रिकेट टोलीबाट झण्डै डेढ वर्षपछि बाहिरिएका हुन् । २०७८ को बैशाखमा (२०२१ अप्रिल) कुशलले नेदरल्यान्ड्स र मलेसियाविरुद्ध टि२० आई त्रिकोणात्मक सिरिजमार्फत डेब्यू गरेका थिए । कुशलले डेब्यू टि२० आईमै नेदरल्यान्ड्सविरुद्ध डेब्यू गर्दै अर्धशतक हानेका थिए । कुशल डेब्यूको सुरुवाती तीन टि२० आई खेलमा अर्धशतक प्रहार गर्ने विश्वकै पहिलो खेलाडी समेत हुन् ।
उक्त सिरिजमा पाँच मध्य ४ खेलमा अर्धशतकका साथ २ सय ७८ रन बनाउँदै उनी प्लेयर अफ द सिरिज बनेका थिए ।त्यसपछि उनी लगातार नेपाली क्रिकेट टोलीको हिस्सा बनेका थिए । गतवर्ष सेप्टेम्बरमा ओमानमा पपुवा न्युगिनीविरुद्ध कुशलले ओडिआईमा डेब्यू गरेका थिए ।
त्यसपछि नेपालले कुशल र आसिफलाई लगातार टोलीमा राख्दै आएको थियो । यद्यपी चोटका कारण कुशलले गत जुनमा ओमानसँग पहिलो खेल अमेरिकामा गुमाएका थिए । गत फेब्रुअरीमा चार देश सम्मिलित टि२० आई सिरिजमा कुशलले सुरुवाती दुई खेल गुमाएका थिए ।
कुशलले १९ ओडिआई खेलमा ३ अर्धशतकसहित २०.२६ को औसतमा ३ सय ८५ रन बनाएका छन् । पछिल्लो समय स्कटल्यान्ड भ्रमणमा कुशलले २७, २७, ० र ३ रनमा आउट भएका थिए । त्यसअघि अमेरिका भ्रमणमा पनि कुशल १९, ५६ र १० रनमा आउट भएका थिए ।
कुशलको सट छनोटलाई लिएर लगातार आलोचना हुँदै आएको छ । कुशल सुरुवातमै गैरजिम्मेवार सटका साथ आउट हुँदै आएका थिए । अर्कोतर्फ अनुभवी खेलाडी टोलीमा आवश्यक परेपछि ज्ञानेन्द्र मल्ललाई मौका दिँदै कुशललाई बाहिरि राखेको हो । कुशल टि२० खेलाडी मात्र भएको आलोचना पनि हुने गर्दछ ।
विकेटकिपर विनोद भण्डारीलाई भने पछिल्लो समय नेपालले विकल्पको रुपमा राख्दै आएको थियो । भण्डारीले पछिल्लो समय नेपाली टोलीमा नियमित स्थान बनाउन सकेका छैनन् । मौका पाएको खेलमा पनि आफूलाई प्रमाणित गर्न सकेका छैनन् । उनको स्थान पाएका युवा विकेटकिपर अर्जुन साउद भने विष्फोटक ब्याटिङ गर्दछन् । अर्जुन विकेटकिपरसँगै तल्लोक्रममा राम्रो इनिङ खेल्ने गर्दछन् । अर्जुन भने पहिलो पटक टोलीमा परेका हुन् ।
त्यस्तै विवेक यादव र साहब आलमले पनि पूनरागमन गरेका छन् । विवेक नेपाली घरेलु क्रिकेटका उत्कृष्ट अलराउन्डर हुन् । तर मौका भने पाउन सकेका थिएनन् । विवेक गत फेब्रुअरीमा टि२० विश्वकप छनोटपछि मौका पाएका थिएनन् । टोलीमा रहेपनि खेल्ने मौका पाएका थिएनन् । साहब आलमले पछि फेब्रुअरी पछिनै टोलीमा पूनरागमन गरेका हुन् ।
केन्या र नेपालबीचको खेल तालिका
पहिलो टि२० आई खेल – भदौ ९ (अगष्ट २५)
दोस्रो टि२० आई खेल – भदौ १० (अगष्ट २६)
तेस्रो टि२० आई खेल – भदौं १२ (अगष्ट २८)
चौथो टि२० आई खेल – भदौं १३ ( अगष्ट २९)
पाँचौं टि२० आई खेल – भदौं १४ (अगष्ट ३०)
तीन एकदिवसिय अभ्यास खेल
पहिलो खेल – भदौ १७ (सप्टेम्बर २)
दोस्रो खेल – भदौ १८ (सप्टेम्बर३)
तेस्रो खेल – भदौ २० (सप्टेम्बर ५)
May 8, 2024
एजेन्सी – दिल्ली क्यापिटल्सले राजस्थान रोयल्समाथि जित दर्ता गर्दै इंडियन प्रिमियर लिग (आईपिएल) मा प्लेअफ पुग्ने आशा कायम राखेको छ । राजस्थान माथि २० रनको जित दर्ता गर्दै दिल्लीले प्लेअफ पुग्ने सम्भावना कायम नै राखेको छ । दिल्लीले दिएको २ सय २२ रनको विशाल लक्ष्य पछ्याएको राजस्थानले निर्धारित २० ओभरमा ८ विकेटको क्षतिमा २ सय […]
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]