अर्जेन्टिनाद्वारा मेक्सिको पराजित

एजेन्सी – अर्जेन्टिनाले अन्तर्राष्ट्रिय मैत्रीपूर्ण खेलमा मेक्सिकोलाई २–० ले पराजित गरेको छ । बुधबार बिहान भएको खेलमा अर्जेन्टिनालाई जिताउन मौरा इकार्डी र पाउलो डिब्यालाले गोल गरे ।

घरेलु मैदानमा अर्जेन्टिनाले खेलको दोस्रो मिनेटमै इकार्डीको गोलबाट अग्रता बनाएको थियो । गोलरक्षक जि रुल्लीले फालेको लामो पासलाई इकार्डीले आफ्नो नियन्त्रणमा लिदै लमेलालाई पास दिएको थियो । लामेलाको चलाखीपूर्ण पासलाई इकार्डीले गोलमा परिणत गर्दा विपक्षी गोलरक्षकले रोक्ने कुनै मौका पाएनन् । त्यसपछि दुवै टोलीले गोल गर्ने प्रयास गरेपनि गोलमा परिणत गर्न नसक्दा अर्जेन्टिनाले पहिलो हाफमा १–० को अग्रता बनाएको थियो ।

प्रतिस्पर्धात्मक बनेको दोस्रो हाफमा पनि दुवै टोलीले केही अवसर सिर्जना गरेपनि गोल गर्न चुके । तर खेल सकिन ३ मिनेट बाँकी रहँदा वैकल्पिक खेलाडी पाउलो डिब्यालाले जियोभानी सिमोनको पासलाई गोलमा परिणत गर्दै अर्जेन्टिनालाई २–० को जित दिलाए । मेक्सिको विरुद्धको मैत्रीपूर्ण खेलमा नियमित कप्तान लियोनेल मेस्सी अनुपस्थित रहेका थिए । मेस्सी रसिया विश्वकपपछि टिम बाहिर नै रहँदै आएका छन् ।

मैत्रीपूर्ण खेलका अन्य नतिजाहरु

चिली विरुद्ध होन्डुरस (४–१)

पेरुविरुद्ध कोस्टा रिका (२–३)

पानामा विरुद्ध इक्वेडर (१–२)

अर्जेन्टिनाद्वारा मेक्सिको पराजित

Latest News

Popular News

फुटबल

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

च्याम्पियन्स लिगमा बार्सिलोनाको जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल