स्लाभियामाथि बार्सिलोनाको कठिन जित

एजेन्सी – क्याटलान क्लब बार्सिलोनाले युइएफए च्याम्पियन्स लिग फुटबलमा कठिन जित निकालेको छ । इडेन एरिना प्राहामा बुधबार राति भएको खेलमा बार्सिलोनाले स्लाभिया प्राहामाथि २–१ को कठिन जित निकालेको हो ।

बार्सिलोनाको जितमा कप्तान लियोनेल मेस्सीले गोल गरे भने एक आत्मघाती गोल उपहार पाएको थियो । घरेलु टोलीका जान बोरिलले एक गोल फर्काए । खेलको तेस्रो मिनेटमा नै कप्तान लियोनेल मेस्सीको गोलबाट बार्सिलोना खेलमा अघि बढेबो थियो । उनले अर्थरको पासमा सदुपयोग गरेका थिए ।

पहिलो हाफमा १–० ले पछि परेको घरेलु टोलीले दोस्रो हाफको सुरुवातमै बराबरी गोल फर्कायो । ५०औं मिनेटमा जान बोरिलले लुकास मासोपस्टको पासमा बराबरी गोल फर्काएका थिए ।

त्यसको ७ मिनेटपछि बार्सिलोनाले आत्मघाती गोलबाट अग्रता बनायो । कप्तान लियोनेल मेस्सीको फ्रिकिकमा लुइस सुआरेजको क्रसलाई पिटर ओलायिन्काले क्लियर गर्न खोज्दा आफ्नै पोस्टमा गोल गर्न पुगेको थियो । त्यसपछि थप गोल गर्न नसक्दा बार्सिलोना २–१ ले विजयी रहन सफल भयो । जितसँगै बार्सिलोना समूह ‘एफ’ मा ३ खेलबाट ७ अंक जोडेर शीर्षस्थानमा रहेको छ । प्राहा १ अंक जोडेर पुछारमा छ ।

यो पनि पढ्नुहोस् :

आयाक्समाथि जितसँगै चेल्सी शीर्षस्थानमा

च्याम्पियन्स लिगमा मेस्सीको कीर्तिमान

चेम्वरलेनको दुई गोलमा लिभरपुलको शानदार जित

डर्टमन्डमाथि इन्टर मिलानको सहज जित

स्लाभियामाथि बार्सिलोनाको कठिन जित