काठमाडौं (हाम्रो खेलकुद) – थ्री नेसन्स कपको पहिलो खेलमा घरेलु टोली नेपालले आज (बिहीबार) किर्गिस्तानको यु–२३ टोलीसँग प्रतिस्पर्धा गर्दैछ । खेल त्रिपुरेश्वस्थित दशरथ रंगशालामा साँझ ५:३० बजे सुरु हुनेछ ।

घरेलु मैदानमा नेपाल किर्गिस्तानको युवा टोलीलाई हराउँदै फाइनल पुग्ने दाउमा हुनेछ । विश्वकप छनोटको खेल स्थगित भएपछि भएको प्रतियोगितामा नेपाल किर्गिस्तानको युवा टोलीलाई हराउँदै फाइनल पुग्ने दाउमा हुनेछ । बुधबार मात्रै २३ सदस्यीय नेपाली टोलीको घोषण भएको थियो ।

किर्गिस्तानलाई हराउन सके नेपाल र बंगलादेश एक खेल बाँकी छदै फाइनलमा पुग्नेछ । किर्गिस्तान प्रतियोगिताबाट बाहिरिनेछ । बराबरीको नतिजाले पनि नेपालको फाइनल पुग्ने सम्भावना जीवितै रहनेछ । नेपालले दोस्रो खेलमा शनिबार बंगलादेशसँग खेल्नेछ ।

किर्गिस्तान पनि नेपाललाई हराउँदै फाइनल पुग्ने सम्भावना बलियो बनाउने लक्ष्यमा हुनेछ । किर्गिस्तान पहिलो खेलमा बंगलादेशसँग १–० ले पराजित भएको थियो । नेपाललाई हराउन सकेको अवस्थामा अन्तिम खेलमा बंगलादेशसँग नेपाल पराजित वा बराबरी भएको खण्डमा किर्गिस्तान फाइनल पुग्नेछ । नेपालले अर्को खेल चैत १४ मा बंगलादेशविरुद्ध खेल्नेछ ।

नेपाल र किर्गिस्तानको सिनियर टोली हालसम्म दुईपटक भिडेका छन् । किर्गिस्तानसँग जित निकाल्न नसकेको नेपालले एक खेल बराबरी खेल्दा अर्काे खेलमा पराजित भएको थियो । २००३ मा एएफसी एसियन कपमा २–० ले पराजित भएको नेपालले २००९ मा भएको मैत्रीपुर्ण खेलमा गोलरहित बराबरी खेलेको थियो । यसपटक भने नेपाल र किर्गिस्तानको यू-२३ टोलीको पहिलोपटक प्रतिस्पर्धा हुन लागेको हो ।

राउन्ड रोबिन लिगपछि शीर्ष २ टोलीले चैत १६ गते फाइनल खेल्नेछन् । विजेता टोलीले ५ हजार र दोस्रो टोलीले ३ हजार अमेरिकी डलर प्राप्त गर्नेछ ।

यो पनि पढ्नुहोस् :

मिडफिल्डकै भरमा आक्रमण

विराजले थ्री नेसन्स कपबाट सन्यास लिने

नवयुग टोलीबाट बाहिर, विराज समेटिए!